តើសេរីភាពជាអ្វី?
មនុស្សមានភាពស្មើគ្នា ចំពោះមុខច្បាប់ មានសិទ្ធិសេរីភាព និងករណីយកិច្ចដូចគ្នាទាំងអស់ ដោយឥតប្រកាន់ពូជសាសន៍ ពណ៌សម្បុរ ភេទ ភាសា ជំនឿសាសនា ឋានៈសង្គម និងធនធានអ្វីឡើយ ។
តើសេរីភាព និងទំនួលខុសត្រូវមានន័យដូចម្ដេច ?
មនុស្សមានភាពស្មើគ្នា ចំពោះមុខច្បាប់ មានសិទ្ធិសេរីភាព និងករណីយកិច្ចដូចគ្នាទាំងអស់ ដោយឥតប្រកាន់ពូជសាសន៍ ពណ៌សម្បុរ ភេទ ភាសា ជំនឿសាសនា ឋានៈសង្គម និងធនធានអ្វីឡើយ ។
តែការប្រើសិទ្ធិសេរីភាព ដោយគ្មានទំនួលខុសត្រូវនាំឱ្យមានអនាធិបតេយ្យក្នុងសង្គម ។
សេរីភាព គឺជាអំណាចដែលអាចធ្វើអ្វីបានតាមអំពើចិត្ត ប៉ុន្តែនៅក្រោមច្បាប់របស់ប្រទេស ។ មនុស្សម្នាក់ៗ មានសេរីភាពក្នុងការរកស៊ីចិញ្ចឹមជីវិត មានសេរីភាពក្នុងការដើរហើរ ពីកន្លែងមួយទៅកន្លែងមួយ តែត្រូវគោរពច្បាប់ ។
ពាក្យថា " សេរីភាព និងទំនួលខុសត្រូវ " គឺជាពាក្យពីរម៉ាត់ មានន័យទាក់ទងគ្នាយ៉ាងជិតស្និទ្ធហើយមិនអាចខ្វះធាតុណាមួយបានឡើង ។ មនុស្សម្នាក់ៗអាចមានសេរីភាពធ្វីអ្វីបានតាមអំពើចិត្ត តែត្រូវមានទំនួលខុសត្រូវ ចំពោះអំពើរបស់ខ្លួននោះជាដាច់ខាត ។
ប្រសិនបើមនុស្សម្នាក់ ត្រូវបានគេបំបិទសេរីភាព មនុស្សនោះអស់ភាពថ្លៃថ្នូរ អស់ភាពជាមនុស្ស ព្រោះមនុស្សនោះក្លាយទៅជាឧបករណ៍សម្រាប់តែគេបញ្ជាតែប៉ុននោះ ។ តួយ៉ាងបុគ្គលិករាជការធ្វើការនៅក្រសួងណាមួយ ដែលមានប្រធានអង្គភាពប្រើអំណាចផ្ដាច់ការ គេតែងតែខ្លាចអំណាចខ្លាចការសម្លុតគំរាម ហើយរមែងតែបិទមាត់ បិទភ្នែកមិនហ៊ានប្រឆាំងនឹងអំពើខុសឆ្គងរបស់ចៅវ៉ាយនាយខ្លួន ។ ការបិទមាត់ និងបិទភ្នែក ឬការរមិនឈឺឆ្អាលចំពោះកិច្ចការក្រសួង ពីសំណាក់សមាជិកទាំងអស់ នៅក្នុងអង្គភាពនោះនឹងនាំឱ្យក្រសួងនោះរលំរលាយ នៅពេលណាមួយមិនខាន ។ ផ្ទុយទៅវិញ ការប្រើប្រាស់សេរីភាពទូលំទូលាយពេក គឺគ្មានទំនួលខុសត្រូវលើអំពើដែលខ្លួនបានធ្វើនឹងនាំឱ្យមានកំហុសឆ្គងដ៏ធ្ងន់ធ្ងរទៅវិញទេ ។ មិនតែប៉ុននោះ ការប្រើប្រាស់សេរីភាពដោយគ្មានទំនួលខុសត្រូវ ហួសព្រំដែនច្បាប់សង្គមនឹងនាំក្ដីអន្តរាយដល់ខ្លួនឯងផង និងបណ្ដាលឱ្យអន្តរាយមានភាពច្របូកច្របល់ដល់សង្គមទៀតផង ។ សេរីភាពជាអាវុធមុខពីរ បើប្រើវាខ្វះព្រំដែន វាបណ្ដាលឱ្យមានគ្រោះថ្នាក់ក្នុងផ្លូវខុស វាបណ្ដាលឱ្យមានគ្រោះថ្នាក់ដល់ខ្លួនឯងផង ដល់អ្នកដទៃផង ហើយអាចនាំឱ្យអន្តរាយដល់ផលប្រយោជន៍រួម ឬផលប្រយោជន៍របស់ប្រទេសជាតិផង ។
ដូច្នេះដើម្បីក្លាយជាពលរដ្ឋល្អក្នុងសង្គមមួយ យើងត្រូវចេះប្រើប្រាស់សិទ្ធិសេរីភាពរបស់ខ្លួន ឱ្យនៅក្នុងក្របខណ្ឌច្បាប់បានហើយ ព្រមទាំងហ៊ានទទួលខុសត្រូវចំពោះសម្ដី និងទង្វើរបស់ខ្លួននោះផងដែរ ។ មនុស្សណាមិនស្មោះត្រង់នឹងខ្លួនឯង មិនទទួលកំហុស មិនកែលម្អខ្លួន ហើយទំលាក់កំហុសទៅលើអ្នកដទៃ មិនមែនជាមនុស្សល្អ សិស្សល្អ និងកូនល្អឡើយ ។
0 comments:
Post a Comment